Հայաստանի Հանրապետության կառավարությունը հրապարակել է արհեստական բանականության (ԱԲ) ոլորտում բարձր արտադրողականությամբ հաշվողական ռեսուրսներին (HPC) հասանելիության ապահովման պետական աջակցության ծրագրի նախագիծը:
Նախագծով Հայաստանի Հանրապետության բարձր տեխնոլոգիական արդյունաբերության նախարարությունը ՀՀ ռեզիդենտ ֆիզիկական անձանց, անհատ ձեռնարկատերերին և կազմակերպություններին հնարավորություն կտա անվճար օգտվել Amazon Web Services (AWS) հարթակում հասանելի բարձր արտադրողականությամբ հաշվարկային ռեսուրսներից՝ GPU, CPU, RAM և Storage։ Ռեսուրսների արժեքն ամբողջությամբ սուբսիդավորվում է։
Հիմնական նպատակներից են․
- բաց և ներառական ԱԲ էկոհամակարգի ստեղծումը,
- գիտահետազոտական, կրթական և տեխնոլոգիական հնարավորությունների ընդլայնումը,
- գիտահետազողների համագործակցության խթանումը:
Հայտերը կներկայացվեն առցանց՝ արհեստական բանականության վիրտուալ ինստիտուտի հարթակի միջոցով։&nՀատուկ ստեղծված հանձնաժողովը հայտերը կգնահատի՝ հիմք ընդունելով ներկայացված նախաձեռնության նորարարական մակարդակը, իրագործելիությունը և սոցիալ–տնտեսական ազդեցությունը։
Ծրագրի ֆինանսավորումը նախատեսվում է իրականացնել պետական բյուջեից: 2026 թվականին ընդհանուր սուբսիդիայի առավելագույն չափը կկազմի 400 միլիոն ՀՀ դրամ։