2026 թվականի հուլիսի 4-ից ուժի մեջ է մտել ՀՀ կառավարության 970-Ն որոշումը՝ սահմանելով այն չափանիշները, որոնց պետք է համապատասխանեն բաժնետոմսերի կամ այլ արժեթղթերի շուկայական արժեքի գնահատում իրականացնող անձինք։
Այդ չափանիշներն են.
- Բաժնետոմսերի կամ այլ արժեթղթերի գնահատում կարող են իրականացնել միայն աուդիտորական կազմակերպությունները։
- Աուդիտորական կազմակերպությունը պետք է նախորդ ֆինանսական տարվա արդյունքներով ունենա առնվազն 250 միլիոն ՀՀ դրամի հասույթ աուդիտորական ծառայություններից։
- Անկախությունն ապահովելու նպատակով գնահատողը վերջին երեք տարիների ընթացքում չպետք է ծառայություններ մատուցած լինի՝
- գնահատման պատվիրատուին,
- այն ընկերությանը, որի արժեթղթերը գնահատվում են, կամ
- այդ ընկերությունների բաժնետերերին կամ անդամներին։
Այս նոր կարգավորման նպատակն է բարձրացնել բաժնետոմսերի և արժեթղթերի գնահատման անկախությունը, հուսալիությունը և թափանցիկությունը՝ այն դեպքերում, երբ օրենքով պահանջվում է կամ հնարավոր է իրականացնել շուկայական արժեքի գնահատում։
Ընկերությունները պետք է հաշվի առնեն այս նոր պահանջները անկախ գնահատող ընտրելիս։